पुर्वान्चल कै भब्य कर्पोरेट फुटसल प्रतियोगिता “बिराट फुटसल कप” को दोस्रो संस्करणमा सामेल हुने टिम छनोट भएको छ । प्रतियोगिताको पहिलो सस्करण गत बर्ष बिराटनगरमा भव्यताकासाथ सम्पन्न भएको थियो । १६ वटा बिभिन्न कर्पोरेट टिमको सहभागिता रहेको उक्त प्रतियोगितामा गत बर्ष मनमोहन पोलिटेक्निक कलेज बिजय भएको थियो । मनमोहनले फाईनलमा मकालु टेलिभिजनलाई हराएर उपाधी बिजेता बनेको थियो ।
पुर्वान्चलका बिभिन्न बिजनेस हाउस तथा बैंकहरुको सहभागिता रहने उक्त प्रतियोगितामा १५० बढी खेलाडीहरुको सहभागिता रहनेछ। यसबर्षको संस्करणको लागि टिमको रेजिश्ट्रेसन सम्पन्न भएको छ । यसबर्ष भने लिग कम नकआउट खेल गराइने भएको छ। जसमा ४ वटा समुहमा ३-३ वटा टिम हुने छन् भने ग्रुपको बिजेता टिम सेमिफाइनलमा जाने छन् । प्रतियोगितामा पिएलो , एनआइसी बैंक , सनराइज बैंक , यूरो कलेज , डाइनामिक एजुकेसन , मकालु टेलिभिजन, एम एम प्लास्टिक , मनमोहन पोलिटेक्निक, नेपाल एसबीआइ बैंक , अशोक लेल्याण्ड, न्यूरो अस्पताल र नेपाल बंगलादेश बैंक रहेका छन् । प्रतियोगिताको टाइसिट भदौ २८ गते सार्वजनिक गरिने प्रतियोगिताका संयोजक सरोज लम्सालले जानकारी दिए । बिजेता टोलीले यसबर्ष ५० हजार नगद साथै ट्रफी , त्यसैगरी दोस्रो हुनेले २५ हजार र ट्रफी पाउने आयोजकले जनाएको छ । प्रतियोगिता भदौ ३० गतेबाट सुरु हुने छ ।
