क्लबले यसअघि दानबहादुर स्मृति गोल्डकप फुटबल प्रतियोगिता, इटहरी गोल्डकपको नाममा फुटबल प्रतियोगिता गर्ने गरेकोमा यो वर्षदेखि भने नाम परिवर्तन गरेर पुरस्कार राशी थप गरेको हो । प्रतियोगितालाई राष्ट्रिय खेलकुद परिषद्, इटहरी उपमहानगरपालिका, मदन भण्डारी फाउण्डेशनको सहयोग रहने बताइएको छ । इटहरीलाई स्पोर्टर्स सिटी बनाउने अभियानमा यो प्रतियोगिताले पुलको काम गर्ने राष्ट्रिय खेलकुद परिषद्का सदस्य सचिव केशवकुमार विष्टले जानकारी दिनुभयो । उहाँले रातो किताबमा समावेश गरिइसकेको यो प्रतियोगिता इटहरीमा गर्ने निर्णयले इटहरीको समग्र विकासलाई फाइदा हुने विश्वास पनि व्यक्त गर्नुभयो ।
बिगतमा गर्दै आएको फटबल प्रतियोगितालाई यस बर्ष अझ ब्यवस्थित गरि सञ्चालन गर्न लागिएको क्लवका सदस्य अनुरोध थापाले जानकारी दिनुभयो । यस खेलमा इटहरीको तर्फबाट ए डिभिजनका खेलाडी खेल्ने पनि उहाँको भनाई थियो ।
प्रतियोगितामा १० वटा टिमको सहभागिता रहने जनाइएको छ ।
