विराटनगर, ११ माघ । विराटनगरमा जारी ८ औं हिसान स्पोर्टस् मिटमा बिहीबार भएको विभिन्न खेलमा आठ वटा कलेजहरु विजयी भइ दोस्रो चरणमा प्रवेश गरेका छन् ।
हिसान मोरङको आयोजनामा विराटनगरमा भएको फुटबलमा उर्लाबारीमा रहेको नेपाल दर्शन, विराटनगरमा रहेको दिल्ली पब्लिक, लर्डबुद्ध र पुरुष भलिबलमा विराटनगरको कन्तिपुर, लर्डबुद्ध, तथा महिला भलिबलमा पथरीमा रहेको रेडस्टार, क्रिकेटतर्पm शिक्षादीप र भानु कलेज विजयी भइ दोस्रो चरणमा प्रवेश गरेको हो ।
स्थानिय सहिद रङगशालामा बिहीबार भएको फुटबलमा विराट भेक्टोरियालाई ७–० गोल अन्तरले पराजित गरी नेपाल दर्शन कलेज विजयी भइ दोस्रो चरणमा प्रवेश गरेको हो । जितको लागि नेपाल र्दशनको तर्फबाट दिपेश थापाले चार गोल, रोबट घिमिरेले दुई गोल र सन्जिव गुरुङले एक गोल गरेका थिए । खेलको म्यान अफ द म्याच ४ गोल गर्ने थापा घोषित भए ।
सोही दिन भएको दोस्रो खेलमा एभरेष्टलाई २–० गोल अन्तरले पराजित गरी दिल्ली पब्लिक स्कूल विजयी भइ दोस्रो चरणमा प्रवेश गरेको छ ।
जितको लागि बिवेक तिम्सिनाले पहिलो हाफको ११ र दोस्रो हाफको १९ मिनेटमा दुई गोल गरी टिमको जित सुनिश्चत गरे । खेलको म्यान अफ द म्याच डिपियसका तिम्सिना घोषित भए ।
यस्तै तेस्रो खेलमा शिक्षादीपलाई ३–० गोलले पराजित गरी लर्डबुद्ध कलेज विजयी भइ दोस्रो चरणमा प्रवेश गरेको छ । जितको लागि अजय कार्की खेलको ९ औ मिनेटमा गोल गरी टिमलाई अग्रता दिलाए । २८ औ मिनटमा लर्डबुद्धका बिनेस तुलाधार र दोस्रो हाफको १९ औ मिनेटमा जीवन लिम्बुले १ गोल गरी टिमको जित सुनिश्चत गरे । खेलको म्यान अफ द म्याच बिनेस तुलाधार घोषित भए । 
विराटनगरको कोशी कलेजको खेलमैदानमा पुरुषतर्फको भेलिबलमा पथरीको रेडस्टारलाई २५–२०, २५–१८ को सोझो सेटले पराजित गरी कान्तिपुर विजयी भइ दोस्रो चरणमा प्रवेश गरेको हो ।
सोही दिन भएको पुरुषतर्फकै भलिबलमा दिल्ली पब्लिकलाई लर्डबुद्ध कलेजले पराजित गरी लर्डबुद्ध दोस्रो चरणमा परेको गरेको छ । लर्डबुद्धले १५–२५, २५–१६ र २५–१३ को सेटले पराजित गरी विजयी भइ दोस्रो चरणमा प्रवेश गरेको हो ।
महिलातर्फको भलिबलमा ग्रिनल्याण्डलाई २५–६, २५–१७ को सेटले पराजित गरी पथरीमा रहेको रेडस्टार विजयी भइ दोस्रो चरणमा प्रवेश गरेको छ ।
त्यसैगरी, क्रिकेटतर्फ शिक्षादीप र भानु कलेज विजयी भएका छन् ।
पहिलो खेलमा भानुमेमोरिय कलेजले ग्रिनल्यान्ड कलेजलाई ४ रनले पराजित गर्दै सेमिफाइनलमा प्रवशे गरेको छ । टस जितेर पहिलो ब्याटिङ गरेको भानुले निर्धारित २० ओभरमा ८ विकेट गुमाउँदै १ सय २५ रन बनाएको थियो । जसमा गौरव लाभले ३८ र महमद हकले २८ रन बनाए । बलिङमा ग्रिनल्यान्डका जुनालु हकले २ र अनिल यादवले १ विकेट लिए ।
१ सय २६ रनको विजय लक्ष्य लिइ मैदानमा आएको ग्रिनल्यान्डले निर्धारित ओभर खेल्दै सबै विकेट गुमाइ १ सय २१ रनमा समेटियो । जसमा विन्साल राजवंशीले ४१ र अनिल यादवले १३ रन बनाए । बलिङमा भानुका म्यान अफ द म्याच नविन यादवले ५ र नितिश शिवाकोटीले २ विकेट लिए ।
त्यस्तै दोस्रो खेलमा शिक्षादीप कलेजले अरनिको कलेजलाई ४ रनले पराजित गर्दै सेमिफाइनलको यात्रा तय गरेको छ । टस जितेर पहिलो ब्याटिङ गरेको शिक्षादीपले १६ ओभर १ बलमा सबै विकेट गुमाउँदै ७६ रन बनायो । जसमा राजन मगरले १९ र रेवती यादवले १६ रन बनाए । बलिङमा अरनिकोका प्रशान्त पोखरेलले ५ र अविज्ञान यादवले २ विकेट लिए ।
अरनिको कलेजले पाएको ७७ रनको विजयी लक्ष्य भेटाउने क्रममा १८ ओभर ४ बल खेल्दै सबै विकेट गुमाउँदै ७२ रनमै समेटियो । जसमा कृपेश घिमिरेले १९ र उसन कार्कीले १४ रन बनाए । बलिङमा सुमन दासले ३, रेवती यादव र अनुज यादवले २–२ विकेट लिए । म्यान अफ द म्याच अरनिकोका प्रशान्त पोखरेल भए ।
