नेपालमा रहेका र रेकर्ड बनाउने सबै होचा व्यक्तिको निधन भइसकेको छ । प्रमुख पराजुलीले भने–‘प्रकाश नेपालका होचा व्यक्ति नहुन पनि सक्छन्, हुन पनि सक्छन् । तर, यस्ता व्यक्तिलाई प्रोत्साहन गर्नु महानगरपालिकाको कर्तव्य ठानेका छौं ।’
पराजुलीले प्रकाश होचा प्रमाणित भएको अवस्थामा विराटनगरका लागि गौरवको विषय हुने बताए ।
नागरिकता प्राप्त गरिसकेका प्रकाशलाई हालैमात्र विराटनगर–१९ वडाका अध्यक्ष बद्रीनारायण सरदारको सहयोगमा भत्ताबापत मासिक रु दुई हजार दिने गरी रातोकार्ड बनाइएको छ ।
‘मैले धेरै ठाउँमा सोधखोज गरें । तर, प्रकाशको उचाइजस्तो नेपाली नरहेको जानकारी पाएको छु’–वडाध्यक्ष सरदारले भने । संसारकै होचा चन्द्रबहादुर डाँगी २२ इन्चका थिए । उनको निधन भइसकेको छ ।
खगेन्द्र थापामगर (पोखरा) उचाइ २ फिट २६ इन्च थियो । संसारकै होचा कलाकार काठमाडौंका दीपेन शाहको उचाइ ३१ इन्च थियो । उनको केही महिनाअघि निधन भएको थियो ।
[caption id="attachment_46687" align="alignnone" width="544"]
तस्वीरः गोपालप्रसाद पोखरेल[/caption]
‘नेपालमा सबैभन्दा होचा व्यक्तिबारे सम्पूर्ण तथ्यांक लिएर हामी प्रकाशको पक्षमा केही गर्छौं’–प्रमुख पराजुलीले भने ।
प्रकाशका बाबु नकुवाको क्यान्सरले केही वर्षअघि निधन भइसकेको छ । आमा बिमला घरेलु कामदारकारुपमा काम गर्छिन् । उनका एक दाइ छन्, श्यामसुन्दर ।
प्रकाश विराटनगर–१९ मा स–साना बालबालिकाका साथी बनेर दिनचर्या बिताइरहेका छन् ।
यता, मोरङ, सुन्दरहरैंचा नगरपालिकाले देशकै होची महिला सार्वजनिक गरेको थियो ।
प्रमुख शिवप्रसाद ढकालले सुन्दरहरैंचा–४ निवासी रमेशप्रसाद मुरर ऋषिदेवका १९ वर्षीया छोरी मालती (उचाई ३२ इन्च र वजन १४ किलो) लाई सार्वजनिक गरेका थिए ।
प्रमुख ढकालले नगरपालिकाबाट मालतीलाई सामाजिक सुरक्षा भत्ताबापत मासिक रु दुई हजार उपलब्ध गराउने घोषणा गरेका थिए । रासस
