१९ माघ ।
दक्षिण अफ्रिकासँगकोे एकदिवसीय क्रिकेट श्रीङ्खलाको पहिलो खेलमा भारत ६ विकेटले विजयी भएको छ । २ सय ६९ रनको लक्ष्य पाएको भारतले ४५ ओभर ५ बलमा ४ विकेट गुमाएर भेट्टायो । भारतलाई जिताउन कप्तान विराट कोहलीले १ सय १२ रन बनाए भने अजिन्क्या रहानले ७९ रनको योगदान गरे । १ सय १९ बल खेलेका कोहलीले १० चौकाको मद्दतमा १ सय १२ रन बनाएका हुन् ।
रहानेले ८६ बलमा ७९ रन बनाउन ५ चौका र २ छक्का प्रहार गरे । दक्षिण अफ्रिकाको डर्बानमा टस जितेर ब्याटिङ रोजेको घरेलु टोलीले ८ विकेट गुमाएर २ सय ६९ रन बनाएको थियो । दक्षिण अफ्रिकाका फाफ डु प्लेसिसले १ सय २० रन बनाए । उनले १ सय १२ बल खेल्दै ११ चौका र २ छक्का प्रहार गरेका थिए । टेष्ट श्रीङ्खला २–१ ले हारेको भारतले दक्षिण अफ्रिकासँग ६ वटा एकदिवसीय र २ वटा ट्वाण्टी ट्वाण्टी क्रिकेट खेल्नेछ ।
