विराटनगर, २० माघ ।
गएको सोमवार अस्पतालबाट भागेको भनिएका मोरङ कारागारका कैदी होटलबाट भागेको खुलेको छ । अीपताल जाने बहानामा यौनकर्मी महिलाको खोजीमा गएको उमेश चौधरी होटलबाटै भागेका हुन् । कारागारबाट आँखाको उपचार गर्ने वहानामा सुरक्षा सहित वाहिरिएका मोरङ उर्लावारी–७ का चौधरी सुरक्षामा रहेको प्रहरीलाई झुक्याएर भागेका थिए । विराट आँखा अस्पताल नजिकैको विराट गेष्ट हाउसमा पुगेको तीन घण्टापछि चौधरी भागेका थिए । अस्पतालबाट दिउँसो १२ बजेर १० मिनेट जाँदा बाहिरिएका चौधरी र उनको सुरक्षामा खटिएका प्रहरी हवल्दार असोक कुमार साह गेष्टहाउस पुगेका थिए ।
सुरक्षा श्रोतलाई उदृत गर्दै उद्घोष दैनिकले लेखेकोछ, यस अघिपनि नाईकेहरु उपचारको बहानामा बाहिर गई सँगै रहेका सुरक्षाकर्मीलाई प्रलोभनमा पारेर यौनकर्मी महिलाको खोजीमा हिड्ने गरेका थिए । हवल्दार साहलाई त्यही दिन देखि नियन्त्रणमा राखेर मोरङ प्रहरीले अनुसन्धान गरिरहेको छ ।
