विराटनगर, २८ फागुन । गायक बिरेन्द्र झाको नयाँ गितको भिडियो सार्वजनिक भएको छ । जजित झाले लेखेको ‘माथा पर चम्कैले अहाके बिन्दीया’ बोलको मैथिली गीतको म्युजिक भिडियो सार्वजनिक भएको हो ।
वीरेन्द्र झाको संगीत र स्वर रहेको गीतमा स्नेहा झाले पनि स्वर दिएकी छन् । सो गीतमा विराटनगर महानगरपालिका वडा नम्बर ६ का वडाअध्यक्ष बिजय कामत र कुसल चौधरीले अभिनय गरेका छन् । गीतको छायाङ्कन छ महिनाअघि विराटनगर आसपासका क्षेत्रमा गरिएको थियो ।
गायक झाले नेपाली, मैथिली तथा भोजपुरी भाषमा करिब दुईसय गीतमा स्वर दिएका छन् । नाताले उदीतनारायण झाका भतिज वीरेन्द्र हिन्दी गीतको पनि तयारी गरिरहेको बताउँछन् ।
