इन्डियन प्रिमियर लिग खेल्न भारत जाने तयारीमा रहेका क्रिकेटर सन्दिप लामिछानेले यतिबेला आफ्नो आवाजमा रहेको एक एल्बम ल्याएर आफ्नो फ्यानहरुलाई सरप्राईज दिएका छन् ।
फेसबुकमा सन्दिपले एउटा गीतको टिजर सार्वजनिक गरेका छन् जसमा उनी आफैले आवाज दिएका छन् । सन्दिप क्रिकेट बलमा औंला घुमाउन मात्र होइन, गीतमा स्वर घुमाउन पनि खप्पिस रहेछन् ।गायन सँधै मेरो दोस्रो सौखको रुपमा रहेको छ । एउटा गीतमार्फत मैले आफ्नो सौखलाई उजागर गर्ने इमान्दार प्रयत्न गरेको छु,’ उनले फेसबुकमा लेखेका छन् ।
‘
उदास थियो यो मेरो मन’ बोलको १ मिनेटको टिजरमा उनले सकारात्मक प्रतिक्रिया पाएका छन् । सन्दिपले चाँडै आफू ‘प्रतिक्षा’ एल्बम लिएर स्रोतामाझ आउने जानकारी पनि गराएका छन् ।
हालका दिनहरुमा सन्दिप लामिछाने स्पिन बलिङका कारण विश्वचर्चित बनिरहेका छन् ।
https://www.youtube.com/watch?v=uf8tSk0iWyg
