बिराटनगर वैशाख ८ । सन् २०२० मा अष्ट्रेलियामा हुने विश्वकप ट्वेन्टी–२० क्रिकेटका लागि छनोट चरणको खेलतालिका सार्वजनिक भएको छ ।
नेपाल महादेश क्षेत्र छनोटमा एसियाको समूह ‘बी’मा रहेको छ ।
नेपालको समूहमा आयोजक मलेसियासँगै चीन, भुटान, म्यानमार, सिंगापुर र थाइल्यान्ड रहेका छन् । यो समूहबाट उत्कृष्ट तीन टिम अर्को चरणमा प्रवेश गर्नेछन् ।
खेल आगामी असोज १७ गतेदेखि २६ गतेसम्म हुने भएको छ ।
अन्तर्राष्ट्रिय क्रिकेट परिषद (आइसीसी)ले शुक्रबार सार्वजनिक गरेको तालिकाअनुसार एसियाको समूह ‘ए’मा आयोजक कुवेतसँगै युएई, कतार, बहराइन, माल्दिभ्स र साउदी अरेबिया रहेका छन् ।
समूह ‘ए’का खेलहरु भने शुक्रबारदेखि सुरु भएका छन् । यो समूहबाट पनि शीर्ष तीन टिम अर्को चरणमा प्रवेश गर्नेछन् ।
