चितवन, साउन ११ । काठमाडौंबाट पोखरा जाँदै गरेको एक यात्रीबहाक बस शुक्रबार त्रिशूली नदीमा खस्दा पाँचजनाको मृत्यु भएको छ ।
ना६ख २५०६ नम्बरको बस चितवनको इच्छाकामना गाउँपालिका–३ चुम्लिङटारस्थित सडकबाट त्रिशूली नदीमा खसेको हो ।
विपरीत दिशाबाट आएको ना५ख ७४०९ नम्बरको ट्रकले ठक्कर दिँदा बस सडकबाट करिब १०० मिटर तल खसेको हो ।
बसमा करिब ३० यात्री सवार रहेको बताइएको छ ।
घाइते २२ जनालाई उद्धार गरी उपचारका लागि भरतपुर लगिएको चितवनका प्रहरी प्रमुख सुशीलसिंह राठौरले जानकारी दिए ।
उद्धार गरिएकामध्ये सातजनाको अवस्था गम्भीर रहेको बताइएको छ ।
