विराटनगर, ३१साउन । लागूऔषध नियन्त्रण ब्यूरो विराटनगरबाट खटिएको टोलीले बुधबार मोरङ जिल्लाको विराटनगर महानगरपालिका-१७ बाट ठूलो परिमाणकाे लागूऔषध सहित १ जनालाई पक्राउ गरेको छ ।विराटनगर-१५ घर भई विराटनगर-१७ रघुपति जुट मिल लाईनमा डेरा गरी बस्ने ३४ बर्षकाे अजय कुमार शर्मालाई प्रहरीले ३ सय ४४ एम्पुल लागूऔषध टिडिजेसिक, २ सय ८९ पिस स्पास्मोप्रोक्सिवन क्याप्सुल, नाईट्रोभेट र नाईट्रोसन ट्याब्लेट सहित पक्राउ गरिएको हो ।
[caption id="attachment_62022" align="alignnone" width="696"]
?[/caption]
विशेष सुचनाका आधारमा उक्त कार्यालयबाट खटिएको टोलीले बुधबार दिउँसो खानतलाशी गर्दा लागूऔषध तथा सो लागूऔषध बाहिर टाँस्ने लेबल बरामद भएको प्रहरीले जनाएकाे छ । बरामद लागूऔषध सहित शर्मालाई थप अनुसन्धानका लागि जिल्ला प्रहरी कार्यालय मोरङमा राखिएको छ ।
