बिराटनगर भदौ ५ , बिराटनगरमा बिभिन्न अपराधिक घटना बढिरहेको छ । शनिबारको घटना सेलाउन नपाउदै आज बिहान बिराटनगर ११ पिचरामा अर्को अपराधिक घटना घटेको छ । पिचारामा एक व्यक्तिले धारिलो हतियार प्रहार गरि आफ्नै श्रीमती , छोरी र सालोलाई घाइते बनाएका छन् ।
दिलिप साहनी नाम गरेका व्यक्तिले आफ्नै श्रीमती पुनम साहनी , छोरी मनिता साहनी र सालो सन्दिप साहनीलाई धारिलो हतियार प्रहार गरि घाइते बनाएका छन् । आज बिहान ९ बजे उक्त घटना भएको प्रहरीले जनाएको छ ।
घाइतेको बिराटनगरको कोशी अन्चल अस्पतालमा उपचार भइरहेको छ भने हतियार प्रहार गर्ने दिलिपलाई प्रहरीले नियन्त्रणमा लिएको छ ।
