प्रेम देवान
विराटनगर १० भदौ । आज रक्षाबन्धन तथा जनैपूर्णिमा, नाडीमा डोरो बाँधेर र नयाँ जनै लगाएर मनाइँदै छ । आजका दिन मुलुक भरि नै रक्षा बन्धन बाँध्ने अनि नयाँ जनै फेरेर आजको दिन विशेष तरीकाले मनाईरहकेका छन् । यता आज विहानै देखि विराटनगरको बजारमा राखी किन्नेहरुको भीड देखिएको छ । अन्य बर्ष झै यसपली राखी किन्नेहरुको खासै चहलपहल नभएको व्यापारीहरुले बताएका छन् । विराटनगरको बजारमा देखिएको चहलपहल तस्वीरमा हेर्नुहोस ।
खास गरी तराई क्षेत्रमा बसोबास गर्ने मधेशी समुदायमा विशेष गरी हातमा राखी बाध्ने चलन छ । आफ्ना दिदि बहिनीले बिशेषगरी आफ्ना दाजुभाईको रक्षा र आपसी प्रेम सम्बन्ध गाढा होस भनेर पनि राखी बाध्ने प्रचलन छ । पहाडी मुल समुदायले भाईटिका मजाए झै तराई क्षेत्रमा बसोबास गर्ने तराईबासीले आजको दिन आफ्ना दाजुभाईलाई हातमा राखी बाधी मिठा मिठा खाने कुरा दिएर आर्शिवाद दिने चलन छ । आफ्ना दिदिबहिनीलाई पनि दाजुभाईले उपहार स्वरुप विभिन्न गिफ्ट तथा पैसा दिने चलन छ । 
पौराणिक कथनअनुसार सत्ययुगमा दानवद्वारा लखेटिएका देवगणलाई गुरु बृहस्पतिले रक्षा विधान तयार गरी बलशाली दानवराज बली बाँधिए, त्यसैले म तिमीलाई बाँध्छु, यसले तिमी सुरक्षित बन तथा विचलित नहोऊ भनी डोरो बाँधेर जोगाएको भन्ने एउटा कथा अनुसार आज हातमा रक्षा बन्धन लगाउने प्रचलन छ ।
