विराटनगर, १६ भदाै । मोरङ जिल्लाको जहदा गाउँपालिका-५ मा बुधबार छिमेकी विच कुटपिट हुँदा गम्भीर घाइते भएका १ जनाको उपचारको क्रममा अाज मृत्यु भएको छ । मृत्यु हुनेमा जहदा गाउँपालिका-५ बस्ने अन्दाजी वर्ष ५६ को चन्द्र प्रसाद मण्डल रहेका छन् । दुई छिमेकी ५४ बर्षिय सहदेव मण्डलसंग विवाद हुँदा चन्द्र प्रसाद गम्भीर घाइते भएका थिए । गम्भीर घाइते भएका चन्द्र प्रसादको उपचारका क्रममा शनिबार कोशी अंचल अस्पताल विराटनगरमा मृत्यु भएको जिल्ला प्रहरी कार्यालय मोरङले जनाएको छ । कुटपिटमा संलग्न सहदेवलाई अनुसन्धानका लागि जिल्ला प्रहरी कार्यालय मोरङले नियन्त्रणमा लिएको छ ।
