विराटनगर, १७ भदाै । विराटनगर महानगरपलिका-१५ स्थित रानीबाट प्रहरीले आईतबार १ लाख ६२ हजार ४ सय ७० रुपैया बराबरको अवैध सामान तथा तस्करीमा संलग्न ३ जनालाई नियन्त्रणमा लिई भन्सार बुझाएको छ । सीमावर्ती क्षेत्रमा हुने तस्करी नियन्त्रण अभियान अन्तरगत ईलाका प्रहरी कार्यालय रानी, ईलाका प्रहरी कार्यालय बुधनगर, अस्थायी प्रहरी पोष्ट मटेरुवा र सिआरभि जतुवाबाट खटिएको टोलीले विराटनगर महानगरपालिका वडा नम्बर १५ र १८ बाट भन्सार छली गरी चोरी पैठारी गरी ल्याउँदै गरेको सामान बरामद गरेकाे हाे । यसरी पक्राउ गरिएकाे सामानमा लत्ताकपडा, खाद्यान्न तथा भारततर्फ चोरी निकासी हुँदै गरेको मरिचसहित भारत जिल्ला अररिया बैद्यनाथपुर वडा नम्बर १ बस्ने वर्ष १८ को राहुल साह, वर्ष ४५ को मनोज साह र वर्ष ५० को मोहित लाल साहलाई पक्राउ गरेको हो । बरामद सामान सहित तीनै जनालाई आवश्यक कारवाहीका लागि विराटनगर भन्सार कार्यालयमा बुझाईएको इलाका प्रहरी कार्यालय रानीले जनाएको छ ।
