बिराटनगर असोज ९ । सुनसरीको धरानमा लोकप्रिय ‘१९७४ एडी’ ब्यान्डको प्रस्तुति हुने भएको छ । धरानस्थित पब्लिक स्कुलमा आयोजना हुने एक कार्यक्रममा असोज १३ गते ब्याण्डले प्रस्तुती दिने भएको हो ।
‘द ओर्जीनल डिओ’नामक उक्त कार्यक्रम इटहरीको कक्टेल एण्ड ड्रिम्स बारले आयोजना गर्न लागेको हो । जागरण इन्टरटेन्टमेन्ट धरानको सहकार्यमा ग्लोबल ड्रिम्सले उक्त कार्यक्रमको व्यवस्थापन गर्दैछ ।
उक्त कार्यक्रममा युवा पुस्ता माझ निक्कै लोकप्रिय ब्याण्डका दुई चर्चित प्रतिभा फिरोज स्यादेन र एड्रिन प्रधानले प्रस्तुति दिने आयोजकले जनाएको छ ।
ब्याण्डका ‘यो मन त मेरो नेपाली’, ‘सम्बोधन’, ‘रातो र चन्द्र–सूर्य’, ‘पहिलो जुनिमा’, ‘गुराँसै फुल्यो’, ‘परेलीमा’, ‘सम्झी बस्छु’, ‘जति माया’, ‘विस्तारै विस्तारै’ जस्ता दर्जनौं लोकप्रिय गीतहरू रहेका छन् ।
