सुनसरी, १३ चैत। सुनसरीको कोशी गाउँपालिका-७ मा आज बिहान पिकअप गाडीको ठक्करबाट जंगली अर्ना मरेको छ भने पिकअपमा सवार ३ जना घाइते भएका छन् । पूर्व-पश्चिम लोकमार्गमा बिहान पूर्वतर्फ जाँदै गरेको लु २ च ५९५८ नम्बरको पिकअप गाडीले बाटो काट्दै गरेको अर्नालाई ठक्कर दिँदा अर्ना घटनास्थलमा नै मरेको थियाे ।
साथै पिकअप सडकमा पल्टिदा चालक जिल्ला दाङ गडुवा गाउँपालिका-२ बस्ने बर्ष-१८ को श्रीचन्द्र चौधरी, बर्ष-४१ को ज्ञान प्रसाद चौधरी र बर्ष-३८ को जीतराम चौधरी घाइते भई उइचारको लागि जिल्ला अस्पताल ईनरुवा पठाईएको जिल्ला प्रहरी कार्यालय सुनसरीले जनाएको छ ।
