भोजपुर, १६ चैत । भोजपुरको अरुण गाउँपालिका-६ जरायोटारमा रुखबाट लडेर एक जनाको मृत्यु भएको छ । रुखबाट लडेर सोही स्थान बस्ने बर्ष ६५ को चन्द्र बहादुर श्रेष्ठको मृत्यु भएको जिल्ला प्रहरी कार्यालय भोजपुरले जनाएको छ । जंगलमा घाँस काट्न गएका श्रेष्ठ रुखमा चढ्ने क्रममा रुखबाट लडेर गम्भीर घाइते भएका थिए । घाइते श्रेष्ठकाे उपचारको लागि वि.पी. कोइराला स्वास्थ्य बिज्ञान प्रतिष्ठान धरान ल्याउने क्रममा बाटोमा नै मृत्यु भएको हाे ।
