झापा, १८ चैत ।
झापाको भद्रपुरमा जेसीवी दुर्घटनामा परी सहचालकको मृत्यु भएको छ ।
मृत्यु हुनेमा मेचीनगर नगरपालिका १० धाइजन निवासी अन्दाजी २१ बर्षीय विक्रम राजवंशी रहेको वडा प्रहरी कार्यालय भद्रपुरका प्रहरी निरीक्षक यमकुमार श्रेष्ठले जानकारी दिए । प्रहरीका अनुसार भद्रपुर १ स्थित भैसावाडीमा बा १ क ५३७६ नम्बरको जेसीवीलाई बाटो खन्न प्रयोग गरिएको थियो । जेसीवी चालकले तेलको ड्रम उठाउने क्रममा सोही जेसीवीका सह–चालक राजवंशीको टाँउको मेशिनको अगाडि भागले थिचिएपछि उनको घटनास्थलमै मृत्यु भएको थियो । यता जेसीवी चालक फरार रहेकोले उनको खोजी कार्य भइरहेको प्रहरीले जनाएको छ ।
