झापा, १८ चैत। झापाको कन्काई नगरपालिका-३ पूर्व वसपार्क नजिक आइतवार मोटरसाईकलको एक जनाको मत्यु भएको छ । महेन्द्र राजमार्ग अन्तर्गत पश्चिमबाट पूर्व तर्फ आउँदै गरेको मे ९ प ५५७६ नम्बरको मोटरसाईकलले कन्काई नगरपालिका-८ बस्ने बर्ष ४० को बावुलाल टुडुलाई ठक्कर दिएको थियो ।
मोटरसाईकलको ठक्करबाट गम्भीर घाइते टुडुलाई उपचारको लागि बिर्तामोड स्थित बि.एण्ड. सी. अस्पताल पठाईएकोमा उपचारको क्रममा मृत्यु भएको इलाका प्रहरी कार्यालय सुरुङ्गाले जनाएको छ । दुर्घटनामा मोटरसाईकल चालक शिवसत्ताक्षी नगरपालिका-९ बस्ने वर्ष ४१ को सनम राई समेत घाइते भई सोही अस्पतालमा उपचार भईरहेको छ ।
