बिर्तामोड, २४ चैत । झापाको शिवसताक्षीमा स्थानीय तह स्तरीय भलिबल प्रतियोगिता हुने भएको छ। बैशाख ३ गते देखि ७ गते सम्म शिवसताक्षी भलिबल क्लब र सतासीधाम जेसीजको संयुक्त आयोजनामा दोश्रो संस्करणको प्रतियोगिता हुन लागेको हो।
झापामा भलिबल खेलाडी उत्पादन र उनीहरुलाई प्रत्साहन गर्ने उद्देश्यले शिवसताक्षी नगरमा गत वर्षदेखि भलिबल प्रतियोगिता हुँदै आएको छ। खेल संयोजक राजु श्रेष्ठका अनुसार प्रतियोगितामा झापाका १५ वटै स्थानीयय तहको सहभागिता रहने छ ।
विजेताले ७५ हजार, उपविजेताले ४५ हजार, तृतीय हुनेले २० हजार र सान्त्वनाले १० हजारसहित मेडल, ट्रफी र प्रमाण पत्र पाउने आर्थिक समितिका सदस्य विनोद खरेलले जानकारी दिए।
प्रतियोगिताका लागि आयोजकले ५ लाख खर्च हुने अनुमान गरेको छ।
