मोरङ, चैत्र २६ गते ।
मोरङको कटहरी गाउँपालिका-२ मा गए राती आगलागी हुँदा अन्दाजी २ लाख मूल्य बराबरको क्षति भएको छ । राती १२:१० बजेको समयमा मोहम्मद अन्जरको खाली जग्गामा सोही गाउँपालिका-३ बस्ने बर्ष-४५ मोहन ठाकुरले जग्गा भाडामा लिएर बाँस, जस्तापाता र प्लाईले बानएको कपाल काट्ने सैलुनमा बालेको दियोबाट आगलागी भएको थियो ।
आगलागीबाट सैलुन सहित भित्र रहेको फर्निचर, नगद १० हजार लगायत सम्पूर्ण सर-सामान जलेर नष्ट भएको छ । उक्त आगलागी दमकल, प्रहरी र स्थानीयवासीको सहयोगमा राती साढे १२ बजे पूर्ण रुपमा नियन्त्रणमा आएको जिल्ला प्रहरी कार्यालय मोरङले जनाएको छ ।
