सुनसरी, ३० चैत । सुनसरीको रामधुनी नगरपालिका-३ जाल्पा पेट्रोल पम्प अगाडी हायस गाडीको ठक्करबाट मोटरसाईकलमा सवार १ जनाको मृत्यु भएको छ भने १ जना घाइते भएका छन् ।
पूर्व-पश्चिम राजमार्ग अन्तर्गत पूर्ववाट पश्चिम तर्फ जाँदै गरेको गरेको बा ४ ख १४२२ नम्बरको हायस गाडीले बिपरित दिशाबाट आउँदै गरेको को २३ प ७७१९ नम्बरको मोटरसाईकललाई ठक्कर दिएको थियो । ठक्करवाट मोटरसाईकल चालक ईनरुवा नगरपालिका-६ मधेसा बस्ने बर्ष ३५ को गजेन्द्र खवास चौधरी र मोटरसाईकलको पछाडी सवार ईटहरी उप-महानगरपालिका- १६ बस्ने बर्ष ५५को अशोक साह घाइते भएका थिए ।
दुर्घटनामा घाइते भएका दुवै जनालाई उपचारको लागि धरान स्थित वी.पी. कोइराला स्वास्थ्य विज्ञान प्रतिष्ठान पठाईएकोमा उपचारको क्रममा गम्भीर घाइते मोटरसाईकल चालक चौधरीको मृत्यु भएको जिल्ला प्रहरी कार्यालय सुनसरीले जनाएको छ । ठक्कर दिने हायसका चालक महोत्तरी महेस्थान गाउँपालिका-५ बस्ने बर्ष ४० को हेम बहादुर जिम्बा तामाङ प्रहरीको नियन्त्रणमा रहेका छन् ।
