झापा, १४ वैशाख। झापाको कन्काई नगरपालिका-१ दुर्गापुरमा पिकअप भ्यानको ठक्करबाट १ जना साईकलयात्रीको मृत्यु भएको छ । पूर्व-पश्चिम राजमार्गमा पूर्व तर्फ आउँदै गरेको जिल्ला प्रशासन कार्यालय झापाको ६६-१-०४१४ नम्बरको गाडीले बिपरित दिशाबाट तर्फ जाँदै गरेको साईकलयात्री पाँचथर नागी ६ घर भई हाल कन्काई नगरपालिका-१ कालीमोडामा डेरा गरी बस्ने बर्ष ४० को उमेश हिङमाङलाई ठक्कर दिएको थियो ।
ठक्करबाट गम्भीर घाइते भएका हिङमाङलाई उपचारको लागि बि. एण्ड. सी. अस्पताल बिर्तामोड पठाईएकोमा उपचारको क्रममा मृत्यु भएको जिल्ला प्रहरी कार्यालय झापाले जनाएको छ ।
