विराटनगर, बैशाख ३१। पूर्वाञ्चल आईटिएफ तेक्वाण्डो एशोशिएसन प्रदेश नं. १ समितिले आठौं राष्ट्रिय खेलकुद प्रतियोगितामा तेक्वाण्डो तर्फ पदक जित्ने खेलाडीहरुलाई विराटनगरमा सम्मान गरेको छ ।
सम्मानित हुने खेलाडीहरुमा धिरन राई, मिकी गुरुङ, अर्जुन चौधरी, आशिष मगर, निशेष कटुवाल, उत्तम राई रहेका छन् । उनीहरुले विभिन्न तौल समूह र विधामा पदक प्राप्त गरेका थिए । यसैगरी निर्णायक चन्द्र बहादुर तामाङलाई पनि सम्मान पत्र प्रदान गरिएको छ ।
राष्ट्रिय खेलकुद परिषदको उपाध्यक्ष पिताम्बर तिम्सिनाले खेलाडीहरुलाई प्रमाणपत्र र माला लगाएर सम्मान गर्नुभयो ।(न्युज २४)
