विराटनगर ७ असार । उपचारको क्रममा विरामीको मृत्यु भन्दै विरामीका आफन्तले अस्पताल परिसरमा चर्को नारावाजी गर्दै सडक अवरोध गर्न खोजेका छन् ।
विराटनगर २ मा रहेको बिराट नर्सिङ होममा बिराटचोककी चरीमाया प्रसाईको उपचारको क्रममा मृत्यु भएपछि आफन्तले चिकित्सकले लापरवाही गरेको भन्दै विहानैदेखि प्रदर्शन गर्दै आएका छन् । धरान विराटनगर सडक खण्डमा टायर वालेर अवरोध गर्न खोज्ने ५ जनालई मोरङ प्रहरीले नियन्त्रणमा लिएको छ ।
अस्पतालमा प्रसाईको पाठेघरको नशा खुम्चने समस्याको शल्यक्रिया गरिएको थियो । चरिमायाको डाक्टर ज्ञानेन्द्रमान सिह कार्कीको टिमले शल्यक्रिया गरेका थिए ।
तस्विर सौजन्य ः राकेश कर्ण
यता अस्पताल प्रशासनले भने उपचारमा कुनै पनि लापरवाही नगरेको दावी गरेको छ । 
