विराटनगर, ७ असार । विराटनगरमा रहेको शिक्षादिप कलेज, अरनिको कलेज र मेरिल्याण्ड कलेजले फेरी अर्को सफलता हात पारेका छन् ।
फोकस नेपालले शिक्षा तर्फ प्रदेश १ बाट यी तीन कलेजलाई सेवा सम्मान प्रदान गरिएको हो । शिक्षादिप ,अरनिको र मेरिल्याण्ड कलेजले शिक्षा सेवा सम्मान प्राप्त गरेका छन् । काठमाण्डौंमा आज फोकस नेपालले एक कार्यक्रमको आयोजना गरेर तीनै कलेजका प्रिन्सिपललाई पूर्व प्रधानमन्त्री माधव नेपालले शिक्षा सेवा सम्मान प्रदान गरेका हुन् ।
देशमा उत्कृष्ट शिक्षा प्रदान गर्दै आएका भन्दै ४ हजार ८ सय कलेज मध्ये प्रदेश १ बाट विराटनगरका शिक्षादिप ,अरनिको र मेरिल्याण्ड कलेजले कलेजलाई फोकस नेपालले सम्मान गरेको हो । शिक्षादिपका तर्फबाट कलेजका प्रिन्सिपल ज्ञानबहादुर खडका ,अरनिकोका तर्फ कलेजका प्रिन्सिपल राजेश कार्की र मेरिल्याण्डका तर्फ कलेजका संस्थापक भेषराज पोखरेलले सम्मान ग्रहण गरेका थिए ।
कार्यक्रम सम्मान पछि बोल्दै हिसान मोरङका अध्यक्ष राजेश कार्कीले यस सम्मानले विराटनगर प्रदेश १ को राजधानी मात्र नभइ शिक्षाको पनि राजधानी भएको दाबी गरे । उनले सम्मानले थप हौसला बढाएको बताए । त्यस्तै शिक्षादिप कलेजका प्रिन्सिपल ज्ञानबहादुर खड्काले यस सम्मानले अव विराटनगर शैक्षिक हव भएको बताए ।
अव प्रदेश १ का सवै कलेजलाई देशभरिको उत्कृष्ट कलेज बनाउने अभियानमा लाग्ने हिसान मोरङका सल्लाकार समेत रहेका खडकाले बताए ।
गरि पर्यटन क्षेत्रमा उत्कृष्ट गरेवापत विराटनगर–९ मा रहेको स्वागतम होटलका सञ्चालक राजन श्रेष्ठसमेत सम्मानित भएका छन् । 
