विराटनगर, १२ असार । विराटनगरको सम्राट स्पोर्टिङ क्लब मोरङ जिल्ला ए डिभिजन लिगको फाइनलमा प्रवेश गरेको छ ।
सनराइज युनाइटेड ग्राउन्ड, लेटाङ ३ कमलपुरमा सम्पन्न प्रतिस्पर्धात्मक सेमिफाइनलमा श्री हरैंचा क्लबलाई टाइब्रेकरमा पराजित गर्दै सम्राट उपाधि नजिक पुगेको हो । खेलको निर्धारित समयमा १–१ को बराबरी भए पछि खेललाई ट्राईब्रेकरमा गरिएको थियो । टाइब्रेकरमा सम्राटले ४–२ ले जीत हाँसिल गरेको हो ।
सम्राट क्लबले बिहीबार बिहान हुने उर्लाबारी एफसी र बेलबारी एफसी बीचको टाइब्रेकर विजेतासँग शुक्रबार (असार १३) गते उपाधिको लागि प्रतिस्पर्धा गर्नेछ । यसअघि बुधबार बिराटनगरमा भएको खेलमा उर्लाबारी र बेलबारीले निर्धारित समयमा बराबरी खेलेपछि समय अभावले टाइब्रेकर आज बिहानलाई सारिएको हो । विजेताले प्रदेश नं १ लिगमा मोरङको प्रतिनिधित्व गर्नेछ ।
