बिराटनगर असार १५,
विराटनगरका युवाहरुको संस्था "हामी युवा" को आयोजनामा यहि असार २० गते शुक्रवार युवाहरुलाई "युथ फर चेन्ज मोटिभेशनल सेमिनार" आयोजना हुने भएको छ । युवाहरुलाई सकारात्मकता र आशावादी बन्न प्रेरित गर्न बिभिन्न अभियानका साथ संचालित यस संस्थाले विराटनगर महानगरपालिका संगको सहकार्यमा विराटनगर महानगरपालीकाको १९ वटै वडामा युवाहरुको क्षमता अभिबृद्दि तालिम , वडा युवा परिषद् साथै नगर युवा परिषद्को गठन गरिसकेको छ ।
युवाहरुलाई समस्यामा सम्भावना देखाउने उद्देश्यका साथ आयोजना गर्न लागिएको यस कार्यक्रममा सहभागी हुन कुनै शुल्क नलाग्ने तर सहभागीले ईन्ट्री पास लिएर आएको हुनु पर्ने जानकारी संस्थाकी अध्यक्ष जिना कार्कीले दिईन । विराटनगर महानगरका प्रमुख भीम पराजुलीको प्रमुख आतिथ्य , कवि नवराज पराजुली लगायत अन्य ख्याती प्राप्त कलाकारको प्रस्तुतिका साथ विरेन्द्र सभा गृह विराटनगरमा करिव ५०० युवाहरुको उपस्थितिमा "युथ फर चेन्ज मोटिभेशनल सेमिनार" आयोजना गर्न लागिएको आयोजकले बताए ।
