विराटनगर, १९ असार । संखुवासभाको सिलिचोङ गाउँपालिका १ बाट हातहतियार र गोलीगठ्ठा सहित एकजनालाई पक्राउ गरेको छ । पक्राउ पर्नेमा ओखलढुंगा चिशंखुगढी गाउँपालिका ७ का निम दोर्जी तामाङ रहेको प्रदेश प्रहरी कार्यालय बिराटनगरले जनाएको छ ।
जिल्ला प्रहरी कार्यालय संखुसभाबाट गस्तीमा खटिएको प्रहरी टोलीलाई तामाङ सहितको टोलीले असार १६ गते बिहान होयङ्ला भन्ने स्थानमा प्रहरीलाई लक्षित गरी गोली फायर गरेको थियो ।
प्रहरीले आत्मरक्षाको लागि जवाफी फायर गर्दै सर्च गर्ने क्रममा असार १७ गते तामाङलाई १ थान एसएलआर, ६५ राउण्ड गोली, म्यागजिन १ थान, १३ थान खोका तथा एलएमजी राईफलको २० राउण्ड गोली सहित म्यागजिन १ थान बरामद गरेको प्रहरीले जनाएको छ ।
प्रहरीले बिष्फोटन गराउन प्रयोग गरिने रातो रंगको ३४ फिट लामो डेडकर्ड र मेमोरी कार्ड सहितको मोवाईल बरामद गरिएको जनाएको छ । पक्राउ परेको २ दिन पछि आज पक्राउ परेको बारेमा सार्बजनिक गरेको हो ।
प्रहरीले सिलिपिङ व्याग थान १ थान, पछाडी भिर्ने कालो रंगको झोला १ थान, कार्लमाक्स व्यक्तित्व र कृतित्व लेखेको किताव १ थान , खाली डायरी थान पनि बरामद भएको जनाएको छ । हतियार सहित पक्राउ परेका निम दोर्जी तामाङलाई जिल्ला प्रहरी कार्यालय संखुवासभामा राखेर अनुसन्धान भईरहेको प्रदेश प्रहरी कार्यालय विराटनगरले जनाएको छ ।
