विराटनगर २३ असार । विराटनगर बास्केट बल एकेडेमीले संचालन गरेको दुई महिने ट्यालेन्ट हन्ट विराटनगरमा सम्पन्न भएको छ ।
विराटनगर ११ मा रहेको विकेभिएम स्कुलको प्राङगणमा सम्पन्न ट्यालेन्ट हन्ट कार्यक्रममा उत्कृष्ट खेलाडीलाई छात्रवृती प्रदान गरिएको छ ।
एसईइ दिएर बसेका विद्यार्थीहरुलाई लक्षित गरी आयोजना गरिएको ट्यालेन्ट हन्टमा सहभागी भई उत्कृष्ट खेलाडी बरदान कुमार साह, निमेश श्रेष्ठ , प्रितुस कार्की र शुलभ राज कार्कीलाई उच्च शिक्षाको लागी छात्रवृती प्रदान गरिएको हो । ट्यालेन्ट हन्ट सम्पन्न कार्यक्रममा हिसान मोरङका अध्यक्ष राजेश कार्की , विकेभिएम स्कुलका प्रिन्सीपल रविन दाहाल, एक्सपर्ट एजुकेशन एण्ड भिषा सर्भिस विराटनगरका प्रमुख अनुभव दाहालको उपस्थित रहेको थियो । कार्यक्रममा उत्कृट खेलाडीहरुलाई सहभागी अतिथीहरुले छात्रवृती प्रदान गर्नुको साथै अन्य खेलाडीहरुलाई समेत प्रमाण पत्र वितरण गरिएको विराटनगर बास्केट बलका प्रशिक्षक मुकेश यादवले जानकारी दिनुभयो ।
यसै विच विराटनगर बास्केट बल एकेडेमीले सामुदायिक विद्यालयहरुमा प्रोटेवल बास्केट प्रयोग गरी विद्यार्थीहरुलाई बस्केट बल प्रशिक्षण गराउने भएको छ । साथै आगामी दिनमा सामुदायिक स्कुल स्तरी बासकेट बल प्रतियोगीता गराईने विराटनगर बास्केट बल एकेडेमीका सस्थापक सरोज लम्सालले जानकारी दिनुभयो ।
