विराटनगर, १ साउन । विराटनगर – ९ मा रहेको ग्रिनल्याण्ड कलेजले कक्षा ११ मा भर्ना भएका विद्यार्थीहरुलाई लक्षित गरी एक दिने अभिमुखिकरण गरेको छ ।
कलेजले सञ्चालन गरेको कक्षा ११ विज्ञान, व्यवस्थापन तथा होटल मेनेजमेन्ट संकायमा छैठौं ब्याचमा भर्ना भएका विद्यार्थीहरुलाई कलेजको बारेमा जानकारी गराएको हो ।
विज्ञान संकासयमा ४ सय ३४, व्यवस्थापन तथा होटल मेनेजमेन्ट संकायमा १ सय ३९ जना विद्यार्थीहरु भर्ना भएको कलेजले जनाएको छ ।
कार्यक्रममा कलेजका प्रिन्सिपल दिपक पोखरेल, कलेजका निर्देशकहरु दिनेश दाहाल, राजिव मिश्रा, शिवनारायण यादव, पिताम्वर लुइटेल, विशाल खनाल, कलेजका को–अर्डिनेटर हरि धमलाले कलेजको बारेमा जानकारी गराएका थिए भने अभिभावकहरु इन्द्र गौतम र आनन्द मेहता तथा कक्षा–११ मा भर्ना भएका विद्यार्थीहरु अंकिता जीसी, मेहवुव आलम र विमो अधिकारीले धारणा राखेका थिए ।
