विराटनगर, १ साउन । वल्र्ड भिजन इन्टरनेशनल नेपालेले मोरङ जिल्लाका बाढी पीडितलाई सहायता सामाग्री वितरण गरेको छ । मोरङ कार्यक्षेत्रका ४ वटा स्थानीय तहका ७ वडाका १ सय ५६ परिवारलाई सहायता सामाग्री वितरण गरेको हो ।जिल्ला विपद् व्यवस्थापन समितिको सिफारिसमा कार्यक्षेत्र रहेको कटहरी गाउँपालिकाको वडा नं. ५ र ६, बुढीगंगा गाउँपालिकाको ६ र ७, ग्रामथान गाउँपालिकाको १ र २ र सुन्दरहरैचा नगरपालिकाको १ नम्बर वडाका बाढी पीडितहरुलाई सहायता सामाग्री वितरण गरिएको वल्र्ड भिजन इन्टरनेशनलका प्रतिनिधि प्रमिल अधिकारी जानकारी दिए।
स्थानीय विपद् व्यवस्थापन समितिसँगको समन्वयमा सहायता सामाग्री वितरण गरिएको उनका् भनाई छ । बाढी पीडितलाई प्रति परिवार २ वटा झुल, १ थान सोलार लाईट, २ थान म्याट, २ थान त्रिपाल, २ थान व्लाङकेट, २ थान नाइलन डोरी गरि ८ हजार बढीको सहायता सामाग्री वितरण गरिएको उनको भनाई छ । बुधवार जहदा गाउँपालिकामा पनि ५० सेट सहायता सामाग्री वितरण गरिएको छ ।
नारी विकास संघ विराटनगरले वल्र्ड भिजनसँगको सहकार्यमा मोरङका ५ वटा स्थानीय तहमा विपद् जोखिम न्युनीकरणका लागि विभिन्न कार्य समेत गर्दै आएको छ ।
