रबिन्द्र बराल
रंगेली, १० साउन ।
निरन्तरको अविरल बर्षाको कारण रंगेलीमा ५० घर डुबानमा परेको छ । मोरङको रंगेली नगरपालिका ८ को चाईनागेट नजिकै रहेको मुसहर बस्तीमा चिसाङ खोला पसेको हो । बिहीबार राति सुतिरहेको समयमा खोला गाउँ पसेको हो । राती खोला गाउँपसेपछि गाउँलेहरु होहल्ला गर्दै गाउँ छाडेर भागेका थिए । 
घरमा पानी पसेपछि उनिहरुको घरमा चुलो समेत बल्न सकेको छैन गाउँमा डुवान भएर पानी पसेको १८ घण्टा बितिसक्दा पनि कसैले चासो नदिएको आरोप लगाए । स्थानीय वडा सदस्य मिरा दाहालले बाढी गाउँमा पसेपछि पिडित परिवारको घर पहिचान गरेर रहात बितरण गरिने जनकारी दिईन् ।
