विराटनगर, १० साउन ।
केशल्या खोला बिराटनगर महानगरपालिका ६ को रामपुरबाट बाँध फुटाएर गाउँ पसेको छ । खोला गाउँपस्दा वडा नम्बर ६ र १२ तथा वडा नम्बर १६ डुवानमा परेको छ । ति वडाका सिम्राही, दरैया र बखसी पस्चिमको क्षेत्र डुवानमा परेको सिम्राहीका मनोज ऋषिदेवले बताए । विराटनगर १२ का मनोजका अनुसार बिहान ८ बजे खोला बाँध फुटाएर गाउँ पसेको हो । 
खोला गाउँपसेपछि सो क्षेत्रका करिब ४५ घरमा पानी पसेर डुवान भएको विराटनगर १२ का सुवास ऋषिदेव जानकारी दिए । डुवान क्षेत्रका स्थानीयवासीलाई बखरी आधारभुत बिद्यालयमा सारिएको छ भने केहीलाई नजिकै रहेका मन्दीहरुमा राखिएको छ ।
डुवान क्षेत्रमा पुगेका प्रदेश सांसद केदार कार्कीले यो भन्दा अगाडि बाँध फुटेको ठाउँबाट नै आजपनि पानी पसेको बताए । उनले यहाँबाट पानी पस्छ भनेर पहिला पनि प्रहरी प्रशासनलाई जानकारी गराउँदा समेत वेवास्ता गर्दा अहिले फेरी बस्ती नै डुवानमा परेको बताए । अब बाँधलाई बलियो बनाएर खोला पस्नै नदिनको लागि नलाग्ने हो भने सँधै नै समस्या निम्त्याउने उनको ठम्याई छ ।
गएरातीको भारी बर्षापछि आएको बाढीले मोरङका खोला किनारका बस्ती जोखिममा छन् भने केही ठाउँमा पानी पसेको हो । उत्तरी क्षेत्रमा पानी पर्दा त्यसको असर दक्षिणका खोला किनारका बस्तीहरुमा देखिँदै आएको छ ।
