विराटनगर, साउन ३२। बिराटनगरमा आज गाईजात्रा बिशेष कार्यक्रम हुदै छ । कलाकारहरुले बिभिन्न बिषयमा ब्याङ्ग्यात्मक कार्यक्रम सहितको गाईजात्रा बिशेष कार्यक्रम बिराटनगरमा हुन लागेको हो ।
ब्राण्डवर्थ प्रालिले गाईजात्राको अवसरमा प्रदेश–१ को विराटनगरमा विशेष कार्यक्रम गर्न लागिएको जानकारी दिएको हो ।
मनोज गजुरेल, शैलेन्द्र सिम्खडा, सुरेन्द्र केसी, रवि डङ्गोल, शिवशङ्कर रिजाललगायत कलाकारको प्रस्तुति रहनेछ । कार्यक्रममा चर्चित हास्य कलाकार मनोज गजुरेलले गाईजात्रा सिङ्गो देशको पर्व भएकाले देशभर लैजाने प्रयास गरिएको बताए ।
बिराटनगरको बिरेन्द्र सभागृहमा आज बेलुकी ४ बजे कार्यक्रम हुनेछ। कार्यक्रमको लागि सबै कलाकार बिराटनगर आइसकेका छन् ।
प्रदेश नम्बर १ मा बिराटनगर जेसिसले आयोजनाको जिम्मा लिएको छ ।
