बिराटनगर भदौ १ ,
बिराटनगरमा बिभिन्न बक्ता सहितको उत्प्रेरणात्मक कार्यक्रम हुने भएको छ । रक कास्टल स्टुडियोको आयोजनामा बिराटनगरमा भदौ ४ गते उक्त कार्यक्रम हुन लागेको हो । कार्यक्रममा बक्ताको रुपमा क्याप्टेन विजय लामा , युवा स्पिकर शौनक भट्ट लगायतको प्रस्तुति हुने जनाइएको छ। कार्यक्रम बिराटनगरको बिरेन्द्र सभागृहमा आयोजना हुनेछ ।
उक्त कार्यक्रम नेपालका १९ वटा शहरमा हुने कार्यक्रमका बिराटनगर संयोजक रुपक मेहताले जानकारी दिए । कार्यक्रममा विद्यार्थीहरुलाई करियर गाइडेन्स , उत्प्रेरणात्मक र सकारात्मक सोचाइ समन्धी कार्याशाला आयोजना गरिने उनले बताए । कार्यक्रमको होस्ट बिराटनगरकि मोडेल स्वीकृति प्याकुरेलले गर्ने आयोजकले जनाएको छ ।
