विराटनगर । अवैध उत्खननमा प्रयोग गरिएको भन्दै केशलिया खोला किनारबाट नियन्त्रणमा लिइएका ट्रयाक्टरहरु ६४ हजार जरिवाना तिरेर छुटेका छन ।
नियन्त्रणमा लिइएका ४ वटै ट्रयाक्टरलाई जिल्ला समन्वय समिति मोरङले प्रति ट्रयाक्टर १५ हजार जरिवाना लिएको छ । नियन्त्रणमा लिइएका ट्रयाक्टरहरुलाई जिल्ला समन्वय समितिमा बुझाइएको र जरिवाना तिरेपछि ट्रयाक्टरहरु छुटेको मोरङ प्रहरी प्रमुख एसपी विश्व अधिकारीले जानकारी दिए । यसैबीच नियन्त्रणमा लिइएका चारवटै ट्रयाक्टरको इन्जिन र टेलरको नम्बर फरक फरक रहेको समेत फेला परेको छ । अवैध उत्खननमा प्रयोग गरिएका ती ट्रयाक्टरहरुको इन्जिन र टेलरको नम्बर फरकफरक देखिएपछि जिल्ला ट्राफिक प्रहरी कार्यालयले प्रति ट्रयाक्टर १ हजारका दरले जरिवाना गरेको मोरङ ट्राफिक प्रमुख शिव पोखरेलले जानकारी दिए ।
