२७ आश्विन २०७६, सोमबार

धानखेतमा बेवारिसे शव फेला

नसीम अन्सारी ।
सुनसरी । सुनसरीको हरिनगर गाउँपालिका वडा नं. ७ घुस्की स्थित धानखेतमा एक पुरुषको शव बेवारिसे अवस्थामा फेला परेको छ। घुस्कीका स्थानीय निवासी इलियास अन्सारीको धानखेतमा नामथर ठेगाना नखुलेको करिब ४० वर्षीय युवकको शव वेवारिसे अवस्थामा फेला परेको जिल्ला प्रहरी कार्यालय सुनसरीले जनाएको छ ।
दिउँसो स्थानीय बासिन्दाले घाँस काटन गएको बेला शव देखेपछि प्रहरीलाई खबर गरेका थिए । धान खेतमा उत्तानो परेको अबस्थामा फेला परेको शबमा तेजाब हालेको हुनसक्ने स्थानीयले अनुमान गरेका छन् । शव पोष्टमार्टमका लागि सुनसरी जिल्ला अस्पताल इनरुवामा राखिएको प्रहरीले जनाएको छ । शबको अहिलेसम्म पहिचान खुल्न सकेको छैन ।

सम्बंधित खबरहरु


प्रतिक्रिया लेख्नुहोस