प्रेम देवान
विराटनगर, २५ कात्तिक । विराटनगर रानी बोर्डर छेउमा रहेको सार्वजिनक शौचालय प्रयोगमा नआउदा आम सर्वसाधरण खुला स्थानमा शौच गर्न वाध्य भएका छन् ।
विराटनगर महानगरपालीका वडा न १५ स्थित विराटनगर– जोगवनी बस पार्क नजिकै रहेको सार्वजनिक शौचालय बन्द हुदाँ स्थानियवासीले दुख समेत भोग्दै आउन थालेका छन् ।
भिडियो
https://www.facebook.com/ourbrt/videos/2749339205128565/
दैनिक नेपाल र भारतको हजारौको संख्यामा आम सर्वसाधरणहरु आँउजाउ गर्ने गर्दछन् । तर भएको शौचालयमा ताला लगाएका कारण आम साधरणहरु खुला स्थानमा शौच गरेको दृष्ट प्रष्ट देख्न सकिन्छ ।
नजिकै शौचालय भवन छ तर, त्यसमा ताल्चा लगाइएका कारण बाहिर आएर पिसाव फेर्नु वाध्य भएको स्थानिय राजेस गुप्ता बताउछन् । गाडीका स्टाफ देखी डिउटीमा खटिने प्रहरीलाई समेत समस्या हुनेको डिउटीमा खटिएका एक प्रहरी जवान गुनासो गर्दै थिए ।
यसअघि महानगरपालीकाले ठेक्का लगाएर सशुल्क रुपमा नहाउनेदेखी दिशा पिसाव गराउदै आएको थियो । लामो समयदेखी संचालन गरिंदै आएको शौचालय भवन आवश्यक मर्मत सम्भार नगरेर लथालिङ छारिएपछि यो अवस्था निम्तिएको स्थानिय हमिद अजादले गुनासो गरे ।
नेपाल सरकारले सन २०२० लाई भ्रमण बर्षकोरुपमा मनाउने घोषणा गरिसकेको सन्दर्भमा प्रदेश एकको राजधानीकोरुपमा रहेको विराटनगर महानगरपालिकाको प्रवेशद्वारमा हरपल देखिनुले लज्जास्पद देखिने अजादको भनाई छ ।
विराटनगरको यो नाकाबाट नेपाल तथा भारतका हजारौं सर्वसाधारण दैनिक आउजाउ गर्छन । तर न्युनतम आवश्यकता भित्र पर्ने शौचालयलाई ब्यवस्थापन गर्न सम्बन्धित निकाय गैर जिम्मेबार भएर बसेका छन् । 
यता विराटनगर महानगरपालीकाका मेयर भीम पराजुलीले उत्त स्थानमा प्रदेशको नै राम्रो र आर्कषित आकासे पुल र प्रवेशद्धारा बनाउनु पर्ने भएका कारण तत्कालका लागी बन्द गरिएको बताए । ‘भारतबाट विराटनगर प्रवेश गर्ने मुख्य स्थानमा प्रदेश कै नमुना बन्ने गरी आकाशे पुल र प्रवेशद्धारा बनाउनको लागी बजेट समेत छुटाई सकेको छ ।’ ‘अब यसको काम चाडै नै सुरु गरिने भएका कारण यसलाई भत्काएर फेरी अर्को बनाउने योजनामा छौ । आम सर्वसाधरणलाई अफठ्यारो नसहोस भनेर घुम्ती शौचालय राख्ने तयारीमा छौ ।’
