विराटनगर मंसिर १, भारतले आफ्नो नयाँ नक्सामा नेपाली भुमिलाई आफ्नो भनी नक्सामा राखेपछि काठमाडौंमा मात्रै हैन देशका विभिन्न ठाउँमा विरोध प्रदर्शन भईरहेका छन् । नेपाली भुमि फिर्ता ल्याउनुपर्ने माग सहित भारत विरोधी नारा तथा जुलुस देशैभर चलिरहेको छ ।
प्रदेश नम्बर एकको राजधानी विराटनगरमा पनि यस्ता जुलुस दैनिक निस्किरहेका छन् । देशको सिमा मिचिदा सबैलाई आक्रोश लाग्नु स्वाभाविक नै हो । तर , भारतको विरोध गर्ने जुलुसमा प्रयोग भएका प्लेकार्ड , ब्यानर तथा अन्य जुलुसमा प्रयोग भएका सामग्री भने सडकमा फालिएको छ । यसले हाम्रो आफ्नै सहर विराटनगर फोहर भएको छ । विराटनगरको शंसरीमाईस्थान, महेन्द्र चोक , बरगाछि लगायतका ठाउँमा यस्ता ब्यानर तथा प्लेकार्डले सडक फोहोर भएको छ । विराटनगरका धेरैले आफ्नो सामाजिक संजालमा उक्त तस्बिरहरू राखेर आन्दोलनमा लागेकाहरुलाई प्लेकार्ड व्यवस्थापन गर्न अनुरोध पनि गरेका छन् ।
