बिराटनगर मङ्सिर २५ ,
भर्खरै सम्पन्न दक्षिण एसियाली खेलकुद (साग) को तेह्रौं संस्करणमा प्रदेश नम्बर १ बाट सिमा राजबंशीले कास्य पदक जित्न सफल भएकी छिन । बिराटनगरको मेरिल्याण्ड कलेजमा अध्यानरत सीमाले ब्याडमिन्टनमा नेपाललाई कास्य पदक दिलाउन सफल भएकी हुन् ।
पढाइ र खेल दुबैमा राम्रो छाप छोड्न सफल उनलाई मेरिल्याण्ड कलेजले सम्मान समेत गरेको कलेजका प्रिन्सिपल लक्ष्मण ढकालले बताए । प्रदेश नम्बर १ बाट सागमा कुनैपनि पदक जित्ने उनि मात्रै रहेकी छिन । उनले यसअघि पनि चीनमा सम्पन्न प्रतियोगितामा उदयमान खेलाडीको उपाधि जितेकी थिइन् ।
