विराटनगर । हिसान मोरङको आयोजनामा अन्तर विद्यालय कविता वाचन प्रतियोगितामा ग्रिनल्याण्ड कलेजकी अंकिता जिसी प्रथम भएकी छिन् ।
जिसीले २० जना प्रतिस्पर्धीलाई पछि पार्दै प्रथम भएकी हुन् । त्यस्तै अरनिको कलेजकी एलिना पराजुली दोस्रो, कान्तिपुर कलेजकी निरुता रिजाल तेश्रो तथा अरनिकोकी ग्रिस्मा पराजुली सान्त्वना पुरस्कार प्राप्त गरे । उनीहरुलाई क्रमश ५, ३, २ र १ हजार नगद तथा ट्रफिले पुरस्कृत गरिएको हिसान मोरङका कोषाध्यक्ष भुवन नेपालले जानकारी गराए ।
पुरस्कृत हुनेलाई हिसानका केन्द्रीय उपाध्यक्ष भेषराज पोखरेल, केन्द्रीय सदस्य शंकर भट्टराई मोरङ अध्यक्ष राजेश कार्की र वरिष्ठ उपाध्यक्ष अमित ढकालले पुरस्कार वितरण गरे ।
