बिराटनगर पुष ७ ,
बिराटनगर लगायत हाल तराईका भूभागहरुमा बाक्लो हुस्सु र कुहिरो लागेको जल तथा मौसम पूर्वानुमान महाशाखाले जनाएको छ । जसका कारण बिहानको समयमा राम्रोसँग घाम नलाग्दा तापक्रममा गिरावट आई चिसो नै रहने देखिएकोले चिसोबाट बच्ने उपायहरु अपनाउन आग्रह गरेको छ ।
पूर्वानुमान महाशाखाले हुस्सु र कुहिरो पश्चिम, मध्य र पूर्वी तराईमा दिउँसो सम्ममा हट्ने जनाएको छ । आगामी तीन दिनसम्म पूर्वी पहाडी भेगमा मौसममा सामान्य बदली हुने भए पनि बाँकी भागमा मौसम सफा रहने पूर्वानुमान महाशाखाले जनाएको छ ।
बिराटनगरको आजको अधिकतम तापक्रम १४.४ डिग्री सेल्सियस र न्यूनतम तापक्रम १०.४ डिग्री सेल्सियस रहेको जल तथा मौसम पूर्वानुमान महाशाखाले जनाएको छ ।
यता , बिराटनगर बजार पनि चिसोका कारण सुनशान बनेको छ । चिसोबाट बालबालिका र बृद्धमा बढी असर परेको छ ।