अष्ट्रेलियन टी–२० क्रिकेट लिग बिग ब्यास खेलमा नेपाली लेग स्पिनर सन्दीप लामिछानेले नेपालको भ्रमण वर्षको प्रचार गर्न नौलो र भिन्न तारिका अपनाएका छन् । उनले अष्ट्रेलियाको डढेलोबाट प्रभावित नागरिकहरुप्रति सम्मान र समवेदना प्रकट गर्दै नेपाल भ्रमण वर्ष २०२० को पनि प्रचार गरेका छन् ।
उनले एक शब्द नबोलिकनै वा सोसल मिडियामा केही शब्द नलेखिकनै आफ्नो देशबारे गरेको प्रचार भन्दै उनको चौतफी वाहवाही भएको छ । सन्दीपले यसो गरेर कतिले उनको परिपक्व, चित्ताकर्षक र दयालु व्यवहारको तारिफसमेत गरेका छन् ।
बुधबार उनको मेलबर्न स्टार क्लब र सिड्नी थन्डरबीचको खेलमा १९ वर्षे सन्दीपले आफूले लगाएको एउटा जुत्तामा आफ्नो मातृभूमीको प्रचार गरेका छन् भने अर्कोमा डढेलोले आक्रान्त अष्ट्रेलियाका जनताप्रति सम्मान व्यक्त गरेका छन् ।
उनको क्लब मेलबर्न स्टारले सन्दीपको फोटो पोष्ट गरेर उनको तारिफ गरेको छ ।
