विराटनगर फाल्गुन ७ ,
रेडियो कान्तिपुरको आयोजनामा आज विराटनगरमा "रेडियो अन विल्स" कार्यक्रम हुने भएको छ । विराटनगरको महेन्द्र चोकमा बुधबार (आज) बेलुकी ४ बजेबाट हुने उक्त कार्यक्रममा बिभिन्न कलाकारको सांगीतिक प्रस्तुति रहने छ ।
उक्त कार्यक्रममा गायक रामचन्द्र काफ्ले , जुनु रिजाल काफ्ले , मिना निरौला लगायतका कलाकारको उपस्तिथी रहने छ । नेपालका १५ शहरमा उक्त कार्यक्रम हुनेछ ।
कार्यक्रममा कुनै टिकट लाग्ने छैन साथै कार्यक्रममा उपस्तिथलाई बिभिन्न पुरस्कार समेतको व्यवस्था गरिएको आयोजकले जनाएको छ। कार्यक्रमको मुख्य प्रायोजक सानिमा इन्सुरेन्स रहेको छ ।
