विराटनगर । सेक्युरिटी गार्डको काम गर्दै आएका एक सुरक्षागार्ड सुन चोरेको आरोपमा पक्राउ परेका छन् । विराटनगर–५ चाँदनी चोकस्थित रहेको राष्ट्रिय मानव अधिकार आयोग १ नं. प्रदेश कार्यालयको माथिल्लो तलामा बस्ने वसन्ती विष्ट जोशीको कोठाको दराजमा राखेको सुनका गरगहनाहरू चोरी गर्ने एक सुरक्षा गार्डलाई प्रहरीले पक्राउ गरेको हो ।
गत मंगलबार विराटनगर बसेर राष्ट्रिय मानव अधिकार आयोग १ नं. प्रदेश कार्यालयमा सुरक्षा गार्डको रूपमा कार्यरत ३३ वर्षीय शेरसिंह दर्लामी मगरले सुनका गरगहना चोरेका थिए । मंगलशुत्रसहितको प्याण्डल–१ थान, तिलहरी–१ थान, औँठी २ थान, बाला २ सेट, कानमा लगाउने झुम्का १ सेट समेत चोरी गरी लगेकोमा उक्त गहनामध्येबाट मंगलसुत्र, औँठी र तिलहरीसहित बिहीबार उनकै घरबाट पक्राउ गरिएको मोरङका प्रहरी प्रवक्ता मान बहादुर राईले बताउनुभयो ।
