विराटनगर फाल्गुन ११ ,
विराटनगरमा पहिलोपटक अरेवियन स्वाद र तरिकाले बनेको चिकन रोल भर्खरै सम्पन्न विराट एक्स्पोमा निकै लोकप्रिय रहयो । कुखुराको मासुबाट बनेको उक्त परिकार उपभोक्ताको विशेष आकर्षणमा परेको थियो । "चिकेन सावरमा" मा उपभोक्ताको अत्याधिक आकर्षणले गर्दा पारिजात फुडका संचालक विराटनगरका पर्शुराम गिरी उत्साहित बनेका छन् ।
उनले विराटनगरमा अरवियन खाजा घर खोल्ने सोचमा रहेको पनि बताए । उनले दुवईको अमेरिकन नेमि क्याममा १२ बर्ष काम गरेर आएको अनुभवले विराटनगरमा रेस्टुरेन्ट संचालन गर्ने भएका छन् । काठमाडौं र पोखरामा मात्रै पाइने उक्त चिकेन रोल विराटनगरका बासिन्दाको लागि नयाँ स्वाद हुने उनको भनाइ छ ।
रेस्टुरेन्टमा चिकेन सावरमाका साथै काउली चनाबाट बनेको हमुस, काउली चनाबाटै बनेको फिलाफिल लगायत अरवियन खार्जा बनाउँने गिरीले बताए ।
