विराटनगर फाल्गुन १७,
विराटनगरको ब्राइट भिजन ल कलेजका दोस्रो बर्षमा अध्ययनरत विद्यार्थीद्वारा बिराटनगरस्थित मोरङ कारागार भ्रमण गरेका छन् ।कानुनमा स्नातक गरिरहेका विद्यार्थीलाई कारागार भ्रमण गराइएको हो ।
उक्त कार्यक्रममा जेलर सुबास कुमार लामिछानेले विद्यार्थीहरुलाई जेलको सम्पुर्ण जानकारी प्रदान गरेका थिए। उनले उक्त कारागारमा महिला र पुरुष दुवै लागि स्थान रहेको र पुरुष कैदी संख्या ८०० को हाराहारी र महिला कैदीको संख्या ९० जना भन्दा माथी रहेको जानकारी दिए । उक्त कार्यक्रममा कलेजको तर्फबाट कारागार र विद्यार्थी बिच अधिवक्ता रुकमिना दाहालले समन्वय गरेकी थिइन ।