पोखरा, फागुन २४ । झापा–११ पोखरामा जारी आहा ! रारा गोल्डकप फुटबल प्रतियोगिताको क्वार्टरफाइनलमा प्रवेश गरेको छ ।पोखरा रंगशालामा शुक्रबार भएको खेलमा विभागीय टोली सशस्त्र प्रहरीको एपीएफ क्लबलाई पराजित गर्दै झापा अन्तिम आठमा पुगेको हो ।
झापा ‘टाइब्रेकर’मा ५–३ ले विजयी भयो ।
निर्धारित् समय गोलरहित बराबरीमा सकिएपछि खेल अतिरिक्त समयतर्फ धकेलिएको थियो । अतिरिक्त समयमा दुवै टोलीले १–१ गोल गरेपछि खेल टाइब्रेकरमा निर्णायक बनेको हो ।
प्रतियोगिताअन्तर्गत् शनिबार नेपाल पुलिस क्लबले आयोजक सहारा क्लबसँग खेल्नेछ ।
